Um iTunes Store (USA)
iTunes Store er stærsta tónlistar- og margmiðlunarverslun í heiminum og er rekin af Apple Inc. Hún er skipt niður í nokkra markaði og er sú bandaríska (iTunes Store USA) stærst
hvað varðar framboð af afþreyingarefni.
Ísland er í hópi þeirra þjóða sem iTunes Store þjónustar ekki. Þá eru aðrar þjóðir þar sem
iTunes Store er til staðar en afþreyingarefnið takmarkað og jafnvel selt á hærra verði. Til dæmis um það er hægt að finna lög á iTunes Store USA
á $0.69 sem kosta hinsvegar $1.99 á iTunes Store í mörgum Evrópulöndum. Það sama gildir um sjónvarps- og kvikmyndaefni frá Bandaríkjunum sem er einnig gefið
út mjög seint á öðrum mörkuðum ef það er á annað borð gefið út. Ef þú hefur ekki kreditkort sem er skráð á bandarískt heimilisfang, þá er iTunes inneignarkort (gjafakort)
eina leiðin til að geta verslað efni frá iTunes Store USA. Í hverri viku býður iTunes Store USA einnig upp á úrval af tónlist og myndefnis án endurgjalds.
iTunes forritið er frítt og er fáanlegt fyrir bæði Mac og PC tölvur. Það flokkar og spilar rafræna tónlist, myndefni og hljóðbækur á tölvunni þinni.
Þegar þú tengir iPhone, iPod eða Apple TV með iTunes í gangi, mun það sjálkrafa sameina (sync) allt afþreyingarefni á milli véla.
Þess má til gamans geta að iTunes Store seldi sitt 10.000.000.000 lag þann 24. febrúar 2010. Það var hinn 71 árs Louie Sulcer frá Woodstock í Georgíuríki Norður Ameríku sem
halaði niður "Guess Things Happen That Way" með Johnny Cash. Sá hinn sami hlaut gjafakort að verðmæti $10,000 og einnig símhringingu frá Steve Jobs.