Setja upp amerískan iTunes aðgang

Ef þú vilt kaupa efni (tónlist, kvikmyndir, osfrv.) af iTunes Store í Bandaríkjunum, þarf að búa til bandarískan iTunes aðgang, eða breyta aðganginum sem þú átt fyrir í bandarískan aðgang. Okkur þykir þægilegast nota tölvu við að búa til iTunes aðganga og leiðbeiningarnar eru miðaðar við það.

Svona á að stofna bandarískan iTunes aðgang

1. Settu upp iTunes
Ef þú hefur ekki iTunes á tölvunni þinni sæktu þá forritið iTunes og settu það upp.

2. Finndu bandarískt heimilisfang
Þú getur notað Google til að finna heimilisföng í Bandaríkjunum. Þú getur til dæmis leitað að Hotels in Tampa, Florida og valið þér heimilisfang sem þú notar síðan þegar þú stofnar iTunes aðgang. Í flestum fylkjum Bandaríkjanna leggst söluskattur ofan á vöruverðið þegar kaup eru gerð. Dæmi um fylki sem leggja ekki söluskatt á rafrænar vörur er California, Georgia, Ohio og Florida. Hér má einnig finna bandarísk heimilisföng.

3. Finndu bandarískt símanúmer
Náðu í appið "textPlus" sem er fáanlegt á bæði iOS og Android símum/tækjum. Nýskráðu þig og sett upp frítt bandarískt símanúmer (Custom phone number). Það er best að velja símanúmer í því fylki sem þú valdir í lið nr. 2 þar sem þú þurftir að velja bandarískt heimilisfang. Athugaðu að Apple mun setja af stað sjálfvirka símhringingu í þetta númer í lið nr. 4.

4. Stofna iTunes Store USA aðgang
Byrjaðu á að opna forritið iTunes. Sjáðu til þess að "Store" sé valið efst uppi í valmynd fyrir miðju. Finndu sjónvarpsþátt sem er frír en til að gera það þarftu fyrst að velja "TV Shows" í fellilistanum (dropdown menu) sem er ofarlega til vinstri. Að því loknu skaltu smella á "Free TV Episodes" sem birtist hægra megin undir TV Shows Quick Links. Þá skaltu velja einhvern þátt og smella á einhvern "GET" (Ekki $) hnappa sem birtist í listanum yfir þá þætti sem hægt er að ná í. Nú kemur upp innskráningargluggi. Ýttu á hnappinn „Create New Apple ID“ og settu inn netfang (sem þú hefur ekki notað áður á iTunes) og lykilorð. Passaðu að United States sé valið í lista yfir lönd. Hakaðu við "By clicking Continue" og að lokum smelltu á Continue hnappinn. Fylltu núna út nafn, fæðingardag og heimilisfangið sem þú fannst í lið 2 og aðrar upplýsingar sem þarf á næstu síðu. Passaðu að velja „None“ í liðnum Credit Card. (Sá valkostur birtist aðeins ef þú byrjar á að “sækja“ frían sjónvarpsþátt). Næst biður iTunes þig um símanúmer og mun nota það til að auðkenna þig. Hér þarftu að setja inn símanúmerið sem þú bjóst til í lið nr. 3 og velja "Phone Number" (ekki Text Message) og láta Apple hringja í númerið þitt. Svaraðu símhringingunni og rödd mun tilkynna þér 6 talna kóða sem þú slærð svo næst inn og ýtir á Verify. Að þessu loknu mun Apple senda þér annan 6 talna kóða á tölvupóstfangið þitt sem þú gafst upp í byrjun. Náðu í hann og sláðu inn til að ljúka ferlinu.

Hér eru ítarlegri leiðbeiningar á vefsíðu Apple um hvernig iTunes aðgangur er búinn til án þess að setja inn kreditkortanúmer, á tölvu, iPad og iPhone.

Svona á að breyta um land á iTunes aðganginum þínum

1. Settu upp iTunes
Ef þú hefur ekki iTunes á tölvunni þinni sæktu þá forritið iTunes og settu það upp.

2. Finndu bandarískt heimilisfang
Þú getur notað Google til að finna heimilisföng í Bandaríkjunum. Þú getur til dæmis leitað að Hotels in Tampa, Florida og valið þér heimilisfang sem þú notar síðan þegar þú stofnar iTunes aðgang. Í flestum fylkjum Bandaríkjanna leggst söluskattur ofan á vöruverðið þegar kaup eru gerð. Dæmi um fylki sem leggja ekki söluskatt á rafrænar vörur er California, Georgia, Ohio og Florida. Hér má einnig finna bandarísk heimilisföng.

3. Breyttu aðganginum þínum
Í stuttu máli, byrjar þú á að opna iTunes og iTunes Store á tölvunni þinni. Smelltu á netfangið þitt í borðanum ofarlega í iTunes Store og veldu „Account“ Nú kemur upp innskráningargluggi. Skrifaðu inn lykilorðið þitt og staðfestu.

Nú birtist síða með upplýsingum um iTunes aðganginn þinn. Finndu valkostinn „Change Country or Region“ og smelltu á hann. Veldu United States úr listanum sem birtist og ýttu á Continue.

Nú birtist síða með skilmálum. Samþykktu þá og ýttu á Continue.

Nú birtist síða þar sem þarf að fylla út upplýsingar um aðganginn. Veldu „None“ í liðnum Credit Card. (Ef þessi valkostur birtist ekki, þá farið eftir leiðbeiningum fyrir neðan undir "None er ekki valkostur"). Fylltu út restina af reitunum, veldu þér titil, settu inn nafnið þitt og notaðu heimilisfangið sem þú fannst í lið númer 2 hér að ofan. Símanúmerið þarf að vera með 3 stafi í fyrra boxinu og 7 í því seinna. Ýttu svo á hnappinn „Done“ þegar allir reitir hafa verið fylltir út.

None er ekki valkostur
Ef "None" er ekki valkostur í lista yfir tegund greiðslu þá vinsamlegast athugið hvort Family Sharing er virkt, en það myndi þá koma fram undir Apple ID Summary í Account Info í iTunes. Ef það er virkt að þá þarf að stöðva það - farið í Settings -> iCloud -> Stop/Leave Family Sharing. Ef Family Sharing er ekki virkt þá vinsamlegast gerið eftirfarandi til að fá "None" upp:
1. Veljið PayPal sem greiðsluval. (Ef PayPal kemur ekki upp sem greiðsluval þá farið eftir liðnum "PayPal er ekki valkostur" hér fyrir neðan) Smellið nú á tengil sem birtist sem leyfir þér að innskrá þig á PayPal
2. Nú þegar PayPal síðan hefur opnast, farið þá neðst niður og smellið á tengil - "Cancel and go back to iTunes".
3. Nú ætti "None" að vera sýnilegt í lista yfir greiðsluvalmöguleika á iTunes.

PayPal er ekki valkostur
Ef PayPal birtist ekki sem valkostur eru góðar líkur á því að það þurfi að setja inn iTunes inneignarkóða til að klára umbreytinguna. Reitur fyrir slíkt á að vera til staðar fyrir neðan greiðsluvalkostina á þessari síðu. Vinsamlegast sláðu inn inneignarkóðann og passaðu að hafa greiðslureitina fyrir ofan tóma eða upphafsstillta.


Ef þig vantar aðstoð þá vinsamlegast hafðu samband.



Skilareglur
Inneignarkóðar eru ekki endurgreiddir og það er ekki hægt að skila þeim. Ef vandamál koma upp munum við senda þér annan kóða án auka kostnaðar, svo lengi sem eldri kóðinn hafi ekki verið notaður.

Nauðsynlegt er að senda skjáskot eða ljósmynd af villunni ekki seinna en 30 daga frá kaupum.